SMS on Hazrat Abbas Alamdar (A.S)

MANGOO TU TALAB KAR K SAKHI SHAHNSHA E WAFA SE,
MAYOOS KOI NAI HOTA UN KI ATTA SE,
HOTA HAI APNA ELAJ NA DUA SE NA DAWA SE,
CHALTI HAIN YE SANSIEN TERY PARCHAM KI HAWA SE,

Bheja nahi tha Sher ko Jung ke Khayal se,
Lag jati warna aag neher mein Jalaal se,

Kat Kat ke gire zulm ke Parcham Zamin per,
Tera Alam Jawan hay 14 so Saal se.

GHAZI ABBAS ALAMDAR KE DIVANE HA,
HUM TU BAS AAP KE KIRDAR KE DEVANE HA
,BHAI HO KE BHI JO GHULAMI KA DAM BHARTE HAIN,
HUM ASAD AISE WAFADAR KE DIWANE HAIN

4 SHABAN AMAD HAY SHAH-E-WAFA KI,

DUA PURI HOI AAJ MUSHKIL KUSHA(a.s) KI,

YAHAN QAMAR BANI HASHIM KA CHAMKA,

WAHAN TAQDIR CHAMKI KARBALA KI,

“Alam Abbas (a.s) Ka Jis Din Se Rakha Hai Ghar Main
Khud Hi Karbala Se Hokay Hawa Aati Hai

Na Mumkin Hai Mujhe Chulay Koi Bemari
Maray Ghar Lay Ke Hawa “Khak-e-Shifa” Aati Hai.

“Na Janay Khoobsorat kis Qadar THA WOH ALI ZADA(A.S)
Farishtay Deakhny Aatay thay US AHSAN NAMAZI (A.S) KO
jahan pe QASIM O AKBAR , SAJJAD JESE THAY
Wahan QAMR e BANI HASHIM Kaha Jata tha GHAZI (A.S) ko.

Apass mein ye bool rhaay soorma dar ka maray …
Is dunya mein jeenay ka ab khatam hooway din pyaray …
Tayyar kero jaldi Ab qabr mein janay ke…
Ye Dhoom Hai Maidan e Usi Sher Ke Aane Ki

Mehki hui jannat k hawa khoob hai leken
Abbas(a s) k rozay k fiza sab seh alag hai
Laao tou ata karnay main Abbas ka sani
Bin hathoon seh denay k ada sab seh alag hai…..

Jo nathiq e Qura’an ne diya nok e sina se
paigham wo dunya se mitay ga na mita hai
qanoon e Hussain ibne Ali(a.s) bar sir e sehra
Abbas(a.s) ne haatho ko qalam ker k likha hai

Wafa Ki Aakhri Manzil Hai Abbass(as)
Hussain(as) k Dil Ki Taqat Hay Abbass(as)
Zainab Ki Chadar Ka Mahafiz Hai Abbass(as)
Sakeena Ki Aas Hai Abbass(as)
Karbala Ka Mola Hai Abbass(as)
Yazeed Ka Khaof Hay Abbass(as)
Zamana Kuch Bhi Kar Lay
Qamat Tak Baland Rahay Ga Parcham-e-Abbass(as)

Mola Hussain Ne Mola Abbass Ki Shan Me
Maidan-e-Karbala Me Farmaya
Paiman-e-Anwar-e-Jali Bhej Raha Hun
Main Khud Hun Wali Or Wali Bhej Raha Hun
Tum Ne Mujhe Is Dor Ka Samjha Hay Muhammad(saww)
Main Apny Zamanay Ka Ali Bhej Raha Hun

“Jo Mushkil Talta Hai Usay Ali (as) Kehtay Hain,

Jo Qismat Banaaiy Usau Batool(sa) Kehtay Hain”

Muhammad(saww) Se Le

Kar Hassan(as) Tak

Sabhi Ne Hussain(as) Ko Chaha,

Lekin Jisay Jussay Ne Chaha Usay Abbass(as) Kehtay Hain”

Mostafa Shabbir hai,Or Mortaza Abbas Hai
Manzil-e-Haq Hai Hussain Or Rasta Abbas Hai
Mashk-o-Alam,Josh-e-Wafa,Hokm-e-Imam
Ab Agar Dekho to Pori Karbala Abbas Hai

Saja rakhi thi dariya par ajab baraat pani ki
Bahut kerte the Ashrare yezidi baat pani ki
Magar sahil pe pahonche thokare mari chale aye
Bata di Hazrat-e-Abbas ne Auqaat pani ki.

 

ANKHOON SAY JOO GHAZI(A.S)KA ROOZA NAZAR ATA HAI.

DIL SAY JOO MAIN DAIKHOON TOO KAABA NAZAR ATA HAI.

MAIN MANTA HOON YEH RIZQ ALI (A.S) KA HAI LAIKIN

PANI TOO MUJHAY GHAZI(A.S) KI JAGEER NAZAR ATA HAI

*TAWAJJO*

Jab Hussain Rote, Malak Aake Jhulate Jhoola,
Yeh Kaun Araam Kar Raha Hai,
Hussain Jhoola Jhula Raha Hai!!!!

Sani koi ho nahi saktha ummul bani ke chand Abbas ka
Tasawar-e-Wafa kero to aatha hai lub pe naam Abbas ka

Sar uthao ge to gir Jaiga dastr-e-Ghrur
Iskader uncha hai Alam Abbas ka

Qalb-e-Haider se uthi aur arsh-e-azam per gai
Surkhru ho ker jo palti wo dua Abbas hai.
Ye haqikat hai ki hai Shabbir dil Islam ka
Aur us dil ki dharkan ki sada Abbas hai.

Anboh-e-Gham Mien Sabr Ki Talwar ban Kay Jee.
Abbas Ki Wafa Ka Talbgar Ban Kay Jee.
Is Dor-e-Zolm-o-Jor Ko Dena Hai Gar Shikast.
Mazlom-e-Karbala Ka Azadar ban Kay Jee….

Joo meray Ghazi tera Tazkara naih karta.
Woh Bewafa hay Aalam say Wafa naih karta.
Joo tera wasta dayy kar Duaa naih karta.
Issar duaa ka duaa koo KHUDA qabool naih karta.
ALI kay shair teri uzmat-e-Duaa koo sallam.
Wafain karti hain ab bhi teri Wafa koo sallam.

Umul Baneen nay betay ko bedar kar diya.
Her jung fatha karnay ko taiyar kar diya.
Abbas ko laga kay kalejay say barbar.
Itnee duain deen kay, alamdar kar diya.

Yeh Kaun Ayaa Hai Darwaazay Pe,
Ali Khud Muskura Rahe Hain,
Is Shaqs Ko Alam Mile Ga,
Abhi Se Tevar Bata Rahe Hain…

HAR HARF KAAINAAT KA AKKASH BAN GAYA.
DEKHA JO GHOR KAR KAY TO ABBAS BAN GAYA.
JAB BHI NABI KAY DEEN PAY KOI HARF AA GAYA.
ABBAS FATIMA KI DUA BAN KAY CHA GAYA.

Ayat-e zuljalal hi jiska hisar ho
Abbas us wafa ka akela Makan hai
Siffin me ye kehte the kuffar alaman
Abbas me Ali ki har ek aan baan hai

Quwate Qalb-e-Hussain ai arzo-e-buturab
La nahi sakte do aalam hashr tak tera Jawab
Kahti hai duniya tume mah-e-bani hashim magar
Karbala ne kerdiya tujhko wafa ka aftaab

Puchtah ho ki abbas ki haibat kia hai

Pehle ja ke Mallum kero ki Qayamt kia hai

Jisne nazroo se he rokka the Yazadi Lashker

Use Talwar uthne ki zarurat kia hai 

 

Babul Hawaej Hazrat Abul fazlil Abbas (a.s.):

Muhabbat Ki Anaa Joshe Ghazab Laati To Kya Hota…

Jabeene Wadae Haq Pa Shikan Aati To Kya Hota..

. K Is Nuqte Pe Aksar Karbala Bhi Sochti Hogi… 

Agar Shano Se Pehle Mashk Chhid Jati To Kya Hota…

“Ali ke sher, barha hosla dia tu ne;

Qalam ko tegh e tafakkur bana dia tu ne.

Hamaray seenon ko darya e tashnagi dekar,

Dilon ko mashk e Sakina (S.A) bana dia tu ne.

Laga ke seenay se mashkeeza aur tashna labi,

Wafa o sabr ka ek maujza dia tu ne.

Amaan namay ke purzay urha ke maqtal men,

Wafa ka lafz mujassam bana dia tu ne.

Chhidi jo mashk e Sakina tau sath pani k,

Lahu ka apnay samandar baha dia tu ne.”

“Abbas e Alamdar (A.S), Abbas e Alamdar (A.S).

Tum ruh e Ali (A.S), Jan e Hussain ibne Ali (A.S) ho;

Tum ibne Wali, ibne Wali, ibne Wali ho;

Hai dushman e deen ke lye bazu tera, talwar.

Tum Fatima Zehra (S.A) ki duaon ka asar ho;

Tum dhoop men Zenab (S.A) ke lye misl e shajar ho;

Parcham ka pharera hai tera aisa hawadar.

Haidar (A.S) ne namazo men jo Allah se manga:

Kehte thay Khuda de mujhay Abbas (A.S) sa beta,

Wo jisko kahe sara arab Ghazi o Jarrar.

Abbas e Alamdar (A.S), Abbas e Alamdar (A.S).”

“Naam ABBAS (A.S) ka likh kar jo pehna deta hai,

Us k båchon ko KHUDA sher bana deta hai;

Thak k so jatey hain bachay jo Azakhano mein,

Apnay daaman se Malak unko hawa deta hai;

Apnay bächon ko sikhatay nahin maatam hum log,

Naam ABBAS (A.S) ka khud hath utha deta hai;

Itni daulat bhi kahan teray khazanay mein Yazid,

Jitni ek SHEH (A.S) ka Azadar luta deta hai.”

“Mujh say kisi ne kaha wafa ki misaal do

Mein nay qalam uthaya aur ABBAS (A.S) likh dia.”

“Hum apnay gharon pe lagatay hain jo Moula Abbas (A.S) ka panja,

Es sher badshah ki dahshat ka nazara hi barha hai;

Hum mast malangon ko nahin kisi ki zarurat,

Moula Abbas (A.S) k hathon ka sahara hi barha hai.”

 

“Jab lasha e Qasim (A.S) ko Alamdar (A.S) nay dekha,

Qabzay ki taraf taìsh se jarrar nay dekha,

Munh bhai ka ro ker Shah e Abrar (A.S) nay dekha,

Ki arz barha daagh, namak khwaar nay dekha;

Taighon se ajab sarw e rawaan kut gaya Aaqa,

WALLAH ke dil zeest se ab hat gaya Aaqa.”

“Kis kis se larhay tashna dahani mein wo be aas,

Hamdard na koi na madadgar koi paas,

Wo foj ka nargha, wo hujoom e alam o yaas,

In sab se siwa mashk ke chhid janay ka wiswas.

Barhtay thay kamandar tau ruk jatay thay Abbas (A.S),

Teer ata tha jab mashk pe, jhuk jatay thay Abbas (A.S).”

“Naam-e-Abbas (A.S) tha jis ka, wo Alamdaar-e-Hussain (A.S),

Lashkar-e-Shah ki bigrhi ko bananay wala;

Haath say aik a’lam gir gaya, majboori say,

Kitnay haathon mein a’lam day gaya janay wala.”


“Jiss naam se himmat ko jawani ka ho ehsaas,

Bujh jaati ho jiss naam ki lazzat mein mairi piyaas,

Jiss naam ki a’zmat se wafa paati ho mairaaj,

Wo naam tau Abbas (A.S) hai, Abbas (A.S) hai, Abbas (A.S).”


“Shah-e-shuhda (A.S) laash-e-Alamdaar (A.S) say liptay,

Kis shoq say, kis yaas say, kis piyar say liptay,

Gham-khaar say, aashiq say, namak-khaar say liptay,

Zakhmi say, musaafir say, mada-gaar say liptay;

Yeh joash tha riqqat ka Sheh-e-jinn-o-bashar (A.S) ko,

Jis tarah kay rota hai koi baap pisar ko.”

“Ali (A.S) nay Abbas (A.S) ko har jang fatah karnay kay liyay tayyaar kar dia,

Laga kay kalaijay say itni duaaen deen kay Alamdaar kar dia.”






















Khatam hai duniya ki tareekh-e-wafa Abbas(AS) par
Ibtida jis se bhi ho, haan inteha Abbas(AS) par
Saari duniya ko nuseri k Khuda par naaz hai
Naaz karta hai nuseri ka Khuda Abbas(AS) Par
Chaadar-e-Tatheer thora aur barh jaati agar
Ik siraa Zainab(SA) pe hota doosra Abbas(AS) Par

“Johar-e-zabt kay ehsaas say darr lagta hai,

Jang mein tapti hui piyaas say darr lagta hai;

Is lye Karbala Shaam say aaya na Yazeed,

Usko Maula (A.S), teray Abbas (A.S) say darr lagta hai.”

 

“Maqtal mein donon haath kataanay kay baa-wajood,

Abbas (A.S) teray haath mein baazi hai aaj tak;

Tu nay badal kar rakh diye ma’eenay hayaat kay,

Tu tau shaheed ho kay bhi Ghazi hai aaj tak.”


“Usay tehzeeb ki duniya mein hassaas kehtay hain,

Usi ko ghairat-e-karrar ka andaaz kehtay hain;

Jo qaabiz ho kay dariya par, piyasa hi palat aaye,

Wafa-daaron ki duniya mein usay Abbas (A.S) kehtay hain.”


“Lafz ki shakal men ehsas likha jata hai,

Yani pani ko bhi piyas likha jata hai;

Meray jazbaat say waaqif hai mera qalam,

Mein wafa likhoon, naam-e-Abbas (A.S) likha jata hai.”


“Wafa jis ka parhhay kalma, usay Abbas (a.s) kehtay hain,

Jisay sajday karay sajda, usay Abbas (a.s) kehtay hain;

Jo hai Shabbeer (a.s) ki quwwat, Ali (a.s) ko naaz hai jis par,

Jisay Zehra (s.a) kahain baita, usay Abbas (a.s) kehtay hain.”

“Kia bataoon ap ko khush-qismati Abbas (a.s) ki,

Fatima Zehra (s.a) say hai wabastagi Abbas (a.s) ki;

Goad mein Zainab (s.a) ki day kar, hutt gyeen Umm-ul-Baneen (s.a),

Karbala pay waqf kar di zindagi Abbas (a.s) ki;

Hamlaa-e-Akbar (a.s) mein dekho nau-jawani ki jhalak,

Jurrat-e-Asghar (a.s) mein dekho kam-sini Abbas (a.s) ki;

Dushmanon ko khof hai, Zainab (s.a) ko par itmenan,

Jab talak khaimon mein hai maujoodgi Abbas (a.s) ki;

Paar kar paya na lashkar, aik halki si lakeer,

Thi tau halki si, magar khainchi hui Abbas (a.s) ki.”

“Abbas (a.s), tera saani duniya mein kahan mumkin?

Duniya ko jo daita hai, us nay tujhay maanga hai.”


“Wafa ko naaz hai jiss par, usay Abbas (a.s) kehtay hain,

Lagey jo saani-e-Hyder (a.s), usay Abbas (a.s) kehtay hain;

A’lam gaarhay jo patthar par, usay kehtay hain sab ‘Hyder’ (a.s),

A’lam gaarhay jo paani par, usay ‘Abbas’ (a.s) kehtay hain.”

Yeh zameen, aaasman, khush hai sara jahan,

Aasman-e-wafa ka qamar aa gya;

Montazir they Ali (a.s) jiss kay ab tak, woh hi,

Sher-e-Yazdaan (a.s) ka sher-e-babbar aa gya;

Jiss kay dumm say wafa ko jawani mili,

Azm-e-Shabbeer (a.s) ko zindagaani mili,

Lo nisaab-e-ata’at mukammal hua,

Aaj Shabbeer (a.s) ka hum-safar aa gya.”


“Baat idraak say aagey ki hai, kaun samjhay ga piyaar kay ehsaas ko?

Mustafa (s.a.w.w.a) nay jiss ko apni maa kaha, uss nay baita keh diya Abbas (a.s) ko.”

Share This:

Leave a Reply

Your email address will not be published. Required fields are marked *

*

x

Check Also

Dar-e-Zehar Sa Koi Or Dar Dhond K La!

Dar-e-Zehar Sa Koi Or Dar Dhond K La! Duniya Main Nahi Milta Tu Jannat Se ...